Unshakeable Determination: A Young Dreamer’s Story
This is the story of a young boy from a small town and a lower middle-class family. His parents sacrificed their comforts and desires to pay for their children’s education.
Paise kam the lekin jitne bhi the roti, kapda aur makaan ke liye kaafi the. Matlab paise se zaruratein to poori ho rahi thi, lekin shauk nahi.
The boy had ambitious dreams. Kabhi usse lagta scientist banna hai, kabhi cricketer, kabhi actor, aur kabhi army officer.
He grew up and managed to complete the 8th grade with average marks. Padhai mein man nahi lagta tha, lekin roz ghar pe aaya hua newspaper padhta tha. Ek din, newspaper padhte hue usne America ke naye daur ke kuch entrepreneurs ke baare mein padha, jinka startup bahut popular ho raha tha. Inspired, he declared, “Ek din main duniya ka sabse ameer aadmi banunga, bahut paise kamaunga, aur sab mujhe TV pe dekhenge. Naukri mein kya rakha hai… main to business karunga!”
Is akhbaar padhne ki aadat ne uske technology aur business ke beej ko aur bada kar diya.
Hamesha sochta ki 12th complete hote hi coding seekh ke khud ka startup karega, aur college complete hone se pehle India ka youngest entrepreneur banega.
12th complete karne ke baad, usne aisa college choose kiya jahan attendance ka koi issue na ho, aur graduation ke liye ek simple computer degree ka course choose kiya, saath hi coding seekhna shuru kiya.
Sapne to bahut bade dekh liye the, lekin reality baar-baar usse ye feel karwati thi ki ye sab usse nahi ho paega. Lekin vo kaha manne wala tha jo bachpan mein tutte hue taare se bhi itna bharosa karta tha ki vo usse bhi yahi maangta tha ki use Shaktiman ya Spiderman jaise kisi hero ki super power mil jaaye.
First year complete karne ke baad, usne business ke baare mein sochna shuru kiya. Ek startup idea bhi tha, lekin startup ke liye ek application (App) bhi chahiye thi, aur vo kaise banaye? Abhi tak to sirf C aur C++ ke basics hi complete kiye the.
App development agency ko call karne par pata chala ki jitne paise app banwane mein lag rahe hain, utne paise mein to poori degree complete ho jaayegi.
Usne socha koi baat nahi, chalo khud se hi app develop karte hain.
YouTube aur Quora par research karke jaise-taise Google ke free courses find kiye, aur apps banana seekhna shuru kiya.
Sapne to bahut dekh liye the, ab waqt tha reality ko face karne ka.
Startup shuru karne se pehle usne SWOT analysis kiya, market survey kiya, aur phone calls par potential users ka review liya. App development seekhte hue usse lagne laga ki product launch karna kisi ek bande ke bas ki baat nahi hai, at least kuch logon ki team chahiye.
Aur ab failures ki entry hoti hai:
Dropped the Startup Idea (Socha pehle paise kama lete) — Failure
Youngest Entrepreneur banne ka sapna — Failure
Wanted to earn by freelancing — Failure
“Naukri mein kya rakha hai… main to business karunga,” aisa bolne wale bacche ne job dhundna shuru kiya.
Skills theek-thak the, usse ek job mili lekin salary bahut kam thi.
Self-doubts aane lage, lekin ab bhi ek umeed thi ki job se paise kama ke business start karega.
Job karte hue frustration aaya, aur hamesha yahi bola gaya you are an underperformer, despite giving more than 9–10 hours.
Ab job karte hue business ka sapna jaise kahin kho gaya.
Ab to belief system bhi aisa ho gaya tha ki lagta tha agar 20–25 hazar bhi mil rahe hain to bahut hain, aur agar ek achhi job mil bhi gayi to usse better job chahiye hogi. Lekin job karke kitne paise kama sakte hain? Isse vo sare sapne to poore nahi ho sakte.
Us bacche ne bahut bade sapne dekhe, lekin sapne tut te hue dekh kar use lagta tha ki agar sapne chote hote rahe to kahi meri life bhi ordinary na ban jaaye.
Ab use lagta tha ki agar phir se bade sapne dekhe to ye sapne phir tutenge aur dard hoga. Hope word to ab sirf ek jhooth sa lagne laga hai.
Jaise-jaise umar badhti gayi sapne chote hote gaye aur umeed to usse bhi kam hoti gayi. Man baar-baar yahi bolta tha ki accept kar lo apni ye ordinary life, ab hard work karne ka koi matlab nahi.
Phir wahi hoga, sapne tutenge, aur isse zyada kuch nahi hoga. 25 hazar ki salary bhi koi kam nahi hai. In future 3–4 saal mein 1 lakh tak ho hi jaayegi.
Aur yahi sab sochte-sochte use bachpan ki baat yaad aa gayi: “Ek din main duniya ka sabse ameer aadmi banunga, bahut paise kamaunga, aur sab mujhe TV pe dekhenge. Naukri mein kya rakha hai… main to business karunga!”
Us bacche ne yaad kiya ki vo to bahut special hai, aur vo ye bhool gaya tha ki jis jagah par vo abhi hai us jagah tak aane mein kitna hard work karna pada hai.
Toh kya self-doubt ko haavi hone de? Kya doosron ki baat maankar khud ko special samajhna band kar de?
Kya farak hai us bacche mein jo believe karta tha ki vo ek din bahut bada aadmi banega, aur aaj ke is adult mein jo soch raha hai ki 25 hazar bhi kam nahi hain?
Kya uske paas bahut paise the, kya vo business mein successful ho gaya tha? Ya phir usse koi quick and easy money business idea pata tha? Aisa to kuch nahi tha.
Phir us bacche mein itna confidence aaya kahan se?
Believe… Yes, usse ye believe tha ki current reality kuch bhi ho, vo apne sapne, apne aap par se, aur apne belief ko kam nahi hone dega.
Agar koi baccha ye manta hai ki Shaktiman real mein exist karta hai to aap usse kitna bhi samjhaayein, vo nahi maanega. Shaktiman reality nahi hai, bas ek character hai. Baccha nahi maanega.
This works the same way. Jo aakhri tak khud par believe rakhega, vo hi apne sapne poore kar paega.
Conclusion: Jab hum bacche the, tab hum zyada optimistic the. Jaise-jaise hum bade ho rahe hain, waise-waise hopeless hote ja rahe hain.
Humein apne inner child ko suppress nahi karna chahiye. Bachpan mein jo faith aur confidence tha, wahi humein aaj zarurat hai.
